中文 【醫學新世代】最新一集已上架 YouTube / Spotify！今集主持人 Erica 繼續同勞惠光醫師傾大暑期間常見嘅身體警號 —— 中暑、頭痛、失眠，仲有點樣為即將到嚟嘅立秋做準備。 中暑都分兩種 陽暑：長時間喺猛烈陽光下工作或活動，體內熱氣過盛，皮膚發燙、心煩口渴，嚴重可致抽筋甚至暈厥，屬於典型急症，宜盡快求醫。 陰暑：喺酷熱天氣底下，因為狂歎冷氣、狂飲凍嘢，寒氣閉塞毛孔所致 —— 表現係頭重、周身痠痛，甚至體溫偏低但冇發燒。呢種好易俾人誤以為「唔係中暑」而耽誤調理時機，處理方法係袪寒散表，唔係清熱。 三類夏天頭痛，成因各有不同 暑熱頭痛：直曬引起，頭脹、面紅、口乾心煩，可用西瓜、冬瓜清熱袪暑。 陰暑（冷氣）頭痛：由熱入冷驟然而起，太陽穴脹痛、頸梗為主要特徵，宜袪寒散表。 肝陽上亢頭痛：頭頂或兩側脹痛，伴眼花、易怒，可用菊花、夏枯草平肝清熱。 大暑點解特別多人瞓唔著 中醫話「暑氣通於心」，夏天心火偏旺，容易心煩、失眠淺睡，呢個叫「陽不入陰」。節目分享咗一款清心潤養嘅湯水（燈心草、雪梨、百合、瘦肉），有助降溫安神；亦提到神門穴同湧泉穴